Ελληνικά
English
Ἑλληνική ἀρχαία
ΚυπριακάΚίνητρον
Πολλάκις, ἐπανιόντες ἐκ θήρας ἀπολιθωμάτων, τὰ εὑρήματα, καὶ μάλιστα τὰ ἧττον διαφέροντα, παραμένει χρόνον τινὰ ἀμελημένα, κείμενα ἐν γωνίᾳ τινὶ ἢ ἐν κιβωτίῳ ἢ σάκκῳ, προσμένοντα πότε ἀσχοληθήσεταί τις περὶ αὐτῶν. Τοῦτο καὶ ἐμοὶ συνέβη περὶ ἀπολιθωμάτων ξύλου ἀπανθρακωμένων ἐκ τοῦ Κρητιδικοῦ, ἃ ποτὲ συνέλεξα ἐκ τοῦ Κομπτονείου κόλπου.
Ὅτε δὲ τέλος ἐπεμελήθην αὐτῶν, κατενόησα ὅτι λίαν εὐθραυστά ἐστι καὶ ἐν χρόνῳ εἰς ψήγματα διαλυθήσεται, ἐὰν μὴ τι ποιηθῇ πρὸς συντήρησιν. Ζητῶν οὖν ἐν τῷ διαδικτύῳ λύσεις, εὗρον τὴν μέθοδον τῆς συντηρήσεως διὰ Παραλοειδοῦς Β-72, ὃ κατὰ τὴν περιεκτικότητα τοῦ μείγματος δύναται χρῆσθαι εἴτε πρὸς κόλλησιν (ἀναστρέψιμον) εἴτε πρὸς σύμπηξιν καὶ σταθεροποίησιν τῶν εὑρημάτων.
Προετοιμασία
Παρήγγειλον τα ὑλικά πρὸς τὴν παρασκευήν τοῦ μείγματος:
- Ἀκετόνην καθαράν
- οὐχὶ διάλυμα πρὸς τοὺς ὄνυχας· πρῶτον μὲν ἐκ τῆς ὑπεραγορᾶς ἐπριάμην τοιοῦτον διάλυμα, ὕστερον δὲ ἔκρινα ὡς βέλτιον εἴη καθαράν ἀκετόνην χρῆσθαι.
- Παραλοειδὲς Β-72.
Ἔτι δὲ ἐχρησάμην:
- Ἀγγεῖον ὑάλινον (πρότερον περιέχον πολτόν ντομάτων προς μακαρόνια)
- Ζυγόν ἠλεκτρικόν
- Ἀγγεῖον μετρητικόν
Τεϊοποιητήν- Τοῦτον πρὸς δοκιμὴν ἰδέας τινὸς ἐχρήσθη, ἣ τέλος ἐφάνη οὐ μόνον περιττή, ἀλλὰ καὶ τὸ σῆστρον ἀχρεῖον ἐποίησεν.
Παρασκευή συμπυκνωμένου συγκολλητικοῦ διαλύματος
Ἔκρινα παρασκευάσαι ἐν τῷ ὑαλίνῳ ἀγγείῳ μεῖγμα 25% (κατὰ βάρος καὶ ὄγκον). Τουτέστιν, ἐν 200 ml ἀκετόνης διέλυσα 50 g Β-72. Τὸ μεῖγμα τοῦτο λίαν πυκνὸν ἐστίν, καὶ ὁ σκοπός μου ἦν μέρος μὲν αὐτοῦ ἔτι ἀραιῶσαι πρὸς ἄμεσον χρῆσιν, τὸ δὲ λοιπὸν φυλάξαι.
Ἵνα μὴ ἀκετόνην εἰς τὸ ἀγγεῖον τὸ μετρητικὸν ἐμβάλω, πρῶτον ἔθηκα 200 ml ὕδατος. Μετεγγίσας τὸ ὕδωρ εἰς τὸ ὑάλινον ἀγγεῖον, ἐσήμανα τὴν στάθμην. Εἶτα δε τὸ ὕδωρ ἐξέχυσον καὶ ἀκετόνῃ τὸ ἀγγεῖον ἔπλησα το ὑάλινον μέχρι τοῦ σημείου. Ἡ δὲ ὀσμὴ τῆς ἀκετόνης ἰσχυρὰ ἦν· διὸ ὁ ἱκανὸς ἀερισμὸς συνίσταται.
Εἶτα προσέθηκα τὰ 50 g Β-72 εἰς τὸ ἀγγεῖον το περιέχον την ἀκετόνην.
Ἐνταῦθα δὲ συμφορὰ μικρὰ ἐγένετο. Ἐπειράθην γὰρ χρῆσθαι τῷ τεϊοποιητῇ, ὡς ἐν ἄλλαις πηγαῖς εἶδον· ἀλλὰ ἡ ἀλυσίς ἐρράγη καὶ ἔπεσεν ὁ τεϊοποιητής εἰς τὴν ἀκετόνην. Ἀφείλον αὐτὸ κοχλιαρίῳ, φορῶν χειρῖδες. Τὸ δὲ Β-72 ἤδη ἤρξατο διαλύεσθαι εἰς οὐσίαν κολλώδη, ὥσπερ πίσσαν διαφανῆ. Μόλις ἠδυνήθην ὅσον πλεῖστον ἐπαναγαγεῖν εἰς τὸ μεῖγμα, καὶ τὸ σῆστρον ἐκαθάρισα τῷ διαλύματι τῶν ὀνύχων ὃ πρότερον εἶχον ἀγοράσει.
Μετὰ ταῦτα, τὸ μεῖγμα ἀκίνητον ἀφεὶς, ἐπέγραψα τὴν σήμανσιν, δηλῶν τὴν ποσότητα, τὴν δοσολογίαν καὶ τὰ συστατικά.
Μετὰ ὥρας δύο καὶ ἡμίσεως
Τὸ Β-72 ἡμίσει διελύθη· τὸ δὲ λοιπὸν ἐκάθητο ἐν τῷ πυθμένι ὡς μάζα ἄμορφος.
Μετὰ εἴκοσι τεσσάρων ὡρῶν
Τότε τὸ μεῖγμα ἔδοξεν ἕτοιμον. Ἐκίνησα αὐτὸ κατὰ καιροὺς μαχαίρᾳ ξυλίνῃ, ἕως ὅτου πᾶν τὸ Β-72 διελύθη, καὶ τὸ μεῖγμα καθαρὸν καὶ πυκνὸν ἐγένετο.
Συντήρησις ἀπολιθωμάτων
Ἔμιξα 20 ml τοῦ προπαρασκευασθέντος 25% μείγματος μετὰ 80 ml ἀκετόνης, ποιήσας διάλυμα 5% Β-72. Τὸ τοιοῦτον διάλυμα ὑδαρὲς ἐστίν, καὶ δύναται διεισδύειν εἰς τὸ ἀπολίθωμα. Ἡ μὲν ἀκετόνη ἀτμίζεται, τὸ δὲ Β-72 καταλείπεται ἐντὸς, σταθεροποιοῦν τὸ εὕρημα.
Δοκίμασα δύο τρόπους: διὰ σύριγγος καὶ διὰ λουτροῦ. Ὁ δεύτερος τρόπος ἐφάνη ἐπικίνδυνος· τὸ πρῶτον εὕρημα ἐκορέσθη ὑγροῦ καὶ ἐγένετο ἔτι εὐθραυστότερον. Ἀπὸ τούτου μόνον την σύριγγαν ἐχρησάμην.
Τὰ ἀτυχήματα ἀναπόφευκτα εἰσίν· διὸ συνίσταται ἐν ὑπαίθρῳ τόπῳ καὶ ἐν ἐσθῆτι προχείρῳ πειρᾶσθαι. Ἐν μιᾷ περιπτώσει, ὀλίγον τοῦ μείγματος ἐπὶ τὴν θήκην τοῦ τηλεφώνου ἐξερράγη· ἡ μὲν ἀκετόνη ἐξηράνθη ταχέως, τὰ δὲ στίγματα Β-72 ἔτι παραμένουσιν.
Τέλος, τὰ δείγματα ἀφῆκα ξηρανθῆναι μέχρι τῆς ἐπιούσης. Οὐκ οἶδα εἰ παντάπασιν χαίρω τῷ ἀποτελέσματι. Ταῦτα δὲ παρετήρησα:
- Σκοτεινότερον χρῶμα
- Αὔξησιν βάρους
- Ὀσμὴν ἀκετόνης, ἥτις μένει χρόνον τινά
Οὐ βεβαίως οἶδα εἰ τὰ εὑρήματα ὄντως συνεπυκνώθησαν· τινὰ γὰρ ἔτι θρύπτεται κατὰ τὴν ἐπιφάνειαν. Ὅμως δοκεῖ μοι ὅτι γενικῶς σταθερότερα εἰσὶν ἢ πρότερον.